Ei trist historie frå røynda
Breathe, breathe in the air…
Om du trur du skal få lesa noko morosamt no, så får du tru om igjen. Dette er ikkje anna enn ei hjarteskjærande historie som faktisk har hendt. No nettopp.
Av Daniel
Møt Roger. Roger er ein mann med grått hår, som driv litt med veggarbeid, prismer og store runde kuler med ei skuggefull bakside. Han likar å haike, sjå på TV og sjå på kyr, og han er fast overbevist om at grisar kan fly. Eg trur han berre har tatt ein sigar for mykje.
Uansett, sist me møtte Roger gjorde han dette:
Biletet er teke i Stavanger, der me (eg og Joakim) tilfeldigvis møtte han ved eine kortsida på Viking Stadion. Her hadde Roger teke med seg bassgitaren sin og eit par vener, og medan me var der spelte han ein song og to. Han var berre på gjennomreise, så me kunne ikkje henga med meir enn eit par timar, men me avtalte at me skulle møtast igjen i Bergen 29. april 2007. Grei avtale, tenkte me, og laga oss ein liten hugselapp:
Men, det var jo for godt til å vera sant. Ved eit uhell mista me hugselappen vår ned i sluket og ut i det store havet som er internett, og sjølv om dei ikkje akkurat er dei største datanerdane, klarte vår erkefiende, Husnes Prestegjeld, å finna ut kva slags avtale me hadde med Roger.
Ein erkefiende si store oppgåve er å øydeleggja for den han er erkefiende for. Husnes Prestegjeld plar å ta oppgåvene sine seriøst, så dei fann på ein grusom plan, og som vanleg ramma dei gjennom familien. Offera denne gongen vart våre søsken, Maaike og Aleksander:
“Gudstenesteplan for 1. halvår 2007 for Husnes prestegjeld:
29.04 - Husnes - Konfirmasjonsgudsteneste”
Såh, slik kan det gå. Roger kjem, men me gjer ikkje. Og medan han syng for full playback om “The Dark Side of the Moon”, et me oss mette på konfirmasjonsmat medan me kastar småmisunnelege blikk mot gåvebordet. Eg trur nok Roger slengjer inn ein ekstra “Wish you were here”.
There is no dark side of the moon, really. As a matter of fact, it’s all dark.
November 2nd, 2006 at 22:11
No er det nok. Dette er uakseptabelt. Krig, seier eg! Heilag krig!
November 2nd, 2006 at 23:05
gurimalla!
så urettferdigt!
her komme minussido med småsøsken fram! xP
November 3rd, 2006 at 12:34
Hm. Dette vil sei at du er fri Kongepark-helga? Look at det bright side of the moon!
November 3rd, 2006 at 12:51
Kongeparkhelga er helga etter. Eg var livredd for konfirmasjonen då eg bestilte dei billettane og:P
November 3rd, 2006 at 21:43
Uakseptabelt at det var når 2BYTØA er på Spaniatur! Ville besøke Roger!